Европските и американските берзански индекси денес се во пораст по веста дека Европската Унија и Соединетите Американски Држави постигнаа трговски договор, додека цените на нафтата и златото пораснаа, цените на пченицата паднаа.
Договорот вклучува царина од 15 проценти за извоз на повеќето европски стоки во Соединетите Држави. Тоа е помалку од царината од 30 проценти со која американскиот претседател Доналд Трамп првично ѝ се закани на ЕУ, но е и повисока од основната царина од 10 проценти на која се надеваше Европската Унија.
Денес во 10:30 часот, индексот DAX на Франкфуртската берза порасна за 0,41 проценти на 24.329,30 поени, лондонскиот FTSE 100 за 0,14 проценти на 9.130,95 поени, францускиот CAC 40 за 0,71 проценти на 7.889,96 поени, додека московскиот MOEX падна за 0,22 проценти на 2.766,56 поени.
Вредноста на американскиот берзански индекс Dow Jones порасна за 0,47 проценти на 44.901,92 поени, индексот S&P 500 за 0,40 проценти на 6.388,64 поени, а вредноста на индексот Nasdaq за 0,24 проценти на 21.108,32 поени.
Европските фјучерси за гас за август беа продадени на отворањето на берзата TTF по цена од 32.550 евра за мегават-час.
Според моменталните податоци од берзата, цената на суровата нафта се искачи на 65.344 долари, а цената на нафтата од типот Брент се искачи на 68.630 долари.
Цената на златото малку се зголеми на 3.338,54 долари за унца, а цената на пченицата падна на 5,3380 долари за бушел (еден бушел е еднаков на 27,216 кг).
Вредноста на еврото во однос на доларот на берзата Форекс е 1,16766 долари, што е за 0,54 проценти помалку отколку на почетокот на тргувањето.