На европските берзи цените на акциите паднаа бидејќи надежта дека олабавувањето на рестриктивните мерки во Кина ќе го забрза растот на тамошната економија, имајќи предвид дека бројот на заразени со Ковид во таа земја рапидно расте. Индексот STOXX 600 на водечките европски акции во 9:30 часот беше во минус за 0,3 отсто, додека од почетокот на годината загуби околу 12 отсто.
Утринава лондонскиот FTSE индекс загуби 0,71 отсто, на 7.443 поени, додека франкфуртски DAX се лизна за 0,18 отсто, на 13.900 поени, а париски CAC за 0,40 отсто, на 6.484 поени. Од почетокот на месецот пазарите се поддржани од надежта на инвеститорите за забрзување на растот на кинеската економија, откако локалните власти се откажаа од политиката на нулта толеранција за Ковид и почнаа да ги олабавуваат рестриктивните мерки.
Сепак, бројот на заразени луѓе, не само во урбаните, туку и во руралните делови на Кина, рапидно расте, па некои здравствени експерти проценуваат дека повеќе од милион луѓе се заразуваат со Ковид секој ден. Инвеститорите стравуваат дека со укинувањето на рестриктивните мерки ширењето на заразата ќе се забрза и ќе трае подолг временски период, што може да изврши притисок врз здравствениот систем и целата економија во наредните месеци.
Ширењето на Ковид
Цените на акциите паднаа и на азиските берзи. Индексот MSCI на азиско-пацифичките акции, без јапонските акции, беше во минус од 0,8 отсто околу 9:30 часот, па трета недела по ред е на пат кон загуби. Истовремено, индексот Никеи падна за околу 1 отсто на берзата во Токио, додека цените на акциите во Шангај, Австралија, Хонг Конг и Јужна Кореја паднаа меѓу 0,4 и 1,9 отсто.
Покрај ширењето на Ковид во Кина, вчерашниот пад на Волстрит втор ден по ред негативно се одразува и на пазарите. Dow Jones загуби 1,10 отсто, додека S&P 500 се лизна за 1,20, а Nasdaq индексот 1,35 отсто. Падот на Nasdaq на најниско ниво од јули 2020 година е најмногу последица на притисокот врз технолошкиот сектор, кој не е комфорен со опкружувањето со зголемени каматни стапки.
S&P 500, пак, ја зголеми загубата од почетокот на годината на 20 отсто, па 2022 година ќе остане запаметена по најголемиот пад од финансиската криза во 2008 година. Ова е резултат на агресивното зголемување на каматните стапки од страна на американската централна банка со цел да се потисне инфлацијата, која во средината на годината достигна највисоки нивоа во повеќе од 40 години.
Во последните месеци, инфлациските притисоци се намалија, но инвеститорите стравуваат дека економијата следната година ќе западне во рецесија, а каматните стапки ќе останат на високи нивоа подолго од очекуваното.
Дедо Мраз го заобиколи пазарот
Цените на акциите обично растат во декември, делумно поради тоа што заедничките фондови и другите големи инвеститори ги зајакнуваат своите портфолија на крајот на годината. Од 1950 година, индексот S&P 500 забележа пад во декември за само 18 години. Според сите сметки, таа статистика ќе се влоши годинава.
Во декември цените на акциите вообичаено растат поради надежта дека економијата и пазарот ќе растат во наредната година. Но, негативните или слабите економски показатели, загриженоста за ширењето на вирусот Ковид во Кина, геополитичките тензии, високите каматни стапки, ризикот од рецесија… сето тоа спречи Дедо Мраз да се појави на крајот на оваа година“, вели Грег. Басук, директор во компанијата AXS Investments.
