На европските берзи во петок наутро цените на акциите паднаа, а цената на нафтата се зголеми, додека инвеститорите чекаат нови вести за развојот на ситуацијата на Блискиот Исток.
Индексот STOXX 600 на водечките европски акции беше во пад од 0,5 проценти во 9:30 часот наутро, ослабувајќи трет ден по ред.
Во исто време, лондонскиот FTSE индекс ослабе за 0,49 проценти, на 10.405 поени, додека франкфуртскиот DAX се лизна за 0,01 процент, на 24.150 поени, а парискиот CAC за 0,64 проценти, на 8.175 поени.
Продолжувањето на преговорите меѓу САД и Иран сè уште не е договорено, а ситуацијата на Блискиот Исток не се промени значително со денови. Иран практично го блокира извозот на нафта од Блискиот Исток преку Ормутскиот теснец, а американската морнарица ги блокира иранските пристаништа.
Затоа цените на нафтата се движат на покачено ниво, што го поттикнува растот на инфлацијата во многу земји во светот. А тоа, пак, може негативно да влијае на растот на економиите.
„Во последните недели, цените на акциите силно пораснаа, па сега некои инвеститори повлекуваат дел од профитот од пазарот. Војната на Блискиот Исток не е лош изговор за тоа“, вели Џеј Хатфилд, директор во Infrastructure Capital Advisors.