Фон дер Лајен: Крај на енергетската уцена на Русија

51

Претседателката на Европската комисија Урсула фон дер Лајен изјави дека Русија повеќе нема да може да ги користи енергентите за да го уценува европскиот континент.

Таа нагласи дека Русија нема да смее да бара плаќање во рубљи за нафта и гас, како што најави Москва, бидејќи тоа ќе доведе до заобиколување на санкциите.

„Тоа би била еднострана одлука и би значело кршење на потпишаните договори“, изјави фон дер Лајен.

Таа објасни дека тоа е обид да се заобиколат санкциите.

„Нема да дозволиме да се избегнат санкциите што ги воведовме. „Времето кога енергијата можеше да се користи за уцени заврши“, рече таа.

Претходно и германскиот канцелар Олаф Шолц одби Германија да плаќа енергија во рубљи, нагласувајќи дека валутата на плаќање е наведена во договорите со Русија.