Францускиот Giffard отсега и во Македонија

83

Еден од најпрепознатливите високо квалитетни производители на сирупи и ликери во светот, францускиот GIFFARD е најновиот бренд во широкото портфолио на производи кои компанијата Гемак ги увезува и дистрибуира во Македонија.

Семејната компанија Giffard која веќе 130 години произведува уникатни ликери и сирупи се направени исклучиво од домашно одгледувани плодови и билки. Тоа што ги разликува Giffard од другите производители на овој тип на пијалаци е токму нивната посветеност кон органското земјоделие и одгедувањето плодови на најдобрите француски почви.

Автентичноста на нивните производи е во самостојното одгледување и производство на француската шеќерна репка од која се добива шеќерот, како една од главните состојки на нивните производи. Од богатото портфолио на Giffard производи, во моментов кај нас ќе бидат достапни 18 сирупи и 13 ликери кои ќе може да се консумираат во Хорека сегментот или купат онлајн на веб продавницата на Гемак.