Најголемата опасност за глобалната стабилност е растот на задолженоста, изјави денес директорката на Меѓународниот монетарен фонд (ММФ), Кристалина Георгиева, на завршниот состанок на Светскиот економски форум во Давос за глобалните економски перспективи.
Светот се фокусира на вештачката интелигенција и геополитичките тензии, но ММФ предупредува дека глобалниот долг, јавен и приватен, останува главен ризик.
Георгиева изјави дека периодот на релативна стабилност во текот на 2024 година довел до опуштање, но дека сценариото од 2022 година, кога инфлацијата и растот на каматните стапки ги изненадија пазарите, не смее да се повтори.