Германскиот министер за труд Хубертус Хајл изјави дека планира да предложи воведување законско право на работа од дома во случаи во кои тоа е изводливо, со што тоа би станало можно и откако ќе заврши пандемијата на коронавирусот.
Во изјава за весникот Bild am Sonntag, тој рече дека таков закон сака да предложи на есен, и според првичните проценки, за време на пандемијата процентот на луѓе кои работат од дома се зголемил од 12 на 25 %, па на тој начин сега работно се ангажирани околу осум милиони луѓе.
“Сите кои тоа го сакаат, а работата им го дозволува тоа, би требало да бидат во можност да работат од дома, дури и кога ќе заврши пандемијата на коронавирусот. За време на пандемијата, дознаваме колку работа во денешно време може да се заврши од дома“, рече Хајл.
Фото:Pixabay
