Растечкиот глобален недостиг на горива ги катапултираше цените на јагленот на азиските пазари на рекордно ниво, заканувајќи се со натамошно зголемување на сметките за електрична енергија и зголемување на инфлацијата.
Цената на јагленот на спот-пазарот во австралиското пристаниште Њукасл скокна за 3,4 отсто на рекордни 402,50 долари за тон, покажува двонеделниот индекс пресметан од компанијата IHS Markit, цитиран од „Bloomberg“.
Производителите на електрична енергија низ Азија и Европа брзаат да обезбедат дополнителни количини јаглен во замена за намалените резерви на природен гас.
