Голдман Сакс планира да ги отпушти работниците со слаби перформанси веќе следниот месец како дел од редовниот годишен преглед на персоналот.
Како што пишува „Фајненшл тајмс“, намалувањето на персоналот од овој тип оваа година ќе биде „на ниското ниво од вообичаениот опсег на банката од еден до пет отсто од вкупната работна сила“, според инсајдерски информации.
Главниот извршен директор на банкарската групација, Дејвид Соломон, ги потсети инвеститорите за време на редовниот извештај во јули дека Голдман Сакс ги запре отпуштањата поради пандемијата и ќе го рестартира својот редовен процес заснован на перформанси од есента 2023 година.
Менаџерите на Голдман почнаа да составуваат списоци на вработени кои би можеле да бидат отпуштени, пишува Фајненшл тајмс, а конечните бројки сè уште не се познати.
