Во 2015 година, бугарските фирми изгубиле над милион евра поради хакерски напади, покажуваат податоците на експертите за информациска безбедност, јавува bTV.
Големите компании имаат компјутерската заштита, што не е случај со повеќето мали и средни компании.
“На пример, вашата компанија работи долго време со мојата компанија и имаме изградено доверба. Во одреден момент хакерите ја менуваат банкарската сметка на фактурата што ми ја праќате по мејл. Бидејќи работиме со години и си веруваме, јас не ја проверувам банкарска сметка, сметајќи дека тоа всушност е вашата нова сметка и ви префрлувам пари. Додека да се свртам, парите веќе ги нема”, објаснува експертот за информациска безбедност, Спас Иванов.
Во вакви случаи банката нема да ги врати парите затоа што е спроведена сосема легална платежна наредба. Според Спасов, во последната година има барем 10 вакви случаи, а сумите на украдените пари се движат од неколку стотини евра до 60.000 евра со една трансакција.