Хрватите преку crowdfunding кампањи лани собрале двојно помалку пари од 2015

14

paricki

Фото: Pixabay

Минатата година crowdfunding индустријата имаше глобален раст, додека во Хрватска е забележан негативен тренд, пишува Crowdfunding.hr.

За разлика од 2015 година, кога хрватските проекти преку групно финансирање собрале 751.457 долари, минатата година се собрани само 323.403 долари. Од нив, 193.015 долари одат само на еден проект, втората кампања за уредот за мерење минерали во телотот, Vitastiq.

Во 2016 година на платформите се поставени 49 проекти, главно на Indiegogo, а од нив само 12 успеале да ја соберат бараната сума, за разлика од 23 успешни проекти во 2015 година.

Бројот на поддржувачи на кампањите во 2016 падна на 6.163, што е помалку дури и од 2014 година. Најголем број кампањи се од Загреб (27) и по три во Риека и Задар.

На платформите за групно финансирање минатата година се собрани преку 22 милијарди долари во три милиони кампањи. Трите најголеми светски платформи – Kickstarter, Indiegogo и GoFundMe ја зацврстуваат својата пазарна позиција.