Годишната инфлација во Хрватска за февруари се зголеми од јануарските 3,4 на 3,8 проценти, во согласност со прелиминарната проценка, така што сега е на највисоко ниво за последните три месеци, објави денес Државниот завод за статистика (ДЗС) на земјата.
Како што е наведено, цените во услужниот сектор се зголемија за 7,7 проценти на годишно ниво, како и цените на енергетските производи за 4,4 проценти и храната, пијалоците и тутунот за 3,6 проценти, додека цените на индустриските непрехранбени производи освен енергијата се намалија за 0,1 процент.
На месечна основа, потрошувачките цени во Хрватска се зголемија за 0,3 проценти во февруари, со исто темпо како и во јануари.