Глобалната побарувачка за нафта опадна трет месец по ред во септември, во голема мера поради зголемувањето на инфекција со коронавирус во Азија. Меѓутоа, Меѓународната агенција за енергија (ИЕА) очекува побарувачката да се зголеми следниот месец, објави француската новинска агенција АФП.
Побарувачката почна да опаѓа во јули, откако во јуни се зголеми побарувачката. Падот во јули главно се должи на помалата побарувачка во Кина, инаку голем потрошувач на сурова нафта, пишува ИЕА во месечниот извештај. Во меѓувреме, глобалната побарувачка за нафта продолжува да биде под притисок поради ширењето на делта сојот.
Во последните три месеци, побарувачката опадна во просек за 310.000 барели дневно. Но, ИЕА сега проценува дека побарувачката ќе се зголеми за 1,6 милиони барели дневно во октомври, а растот на побарувачката ќе продолжи до крајот на годината.
