Претседателот на американскиот холдинг Беркшир Хатавеј, милијардерот Ворен Бафет денеска изјави дека не го загрижува фактот што агенцијата Фич го намалила кредитниот рејтинг на САД.
– Бершир Хатавеј купи американски државни обврзници во износ од 10 милијарди долари во понеделник минатата недела, како и во понеделник оваа недела, а тоа ќе го направи и следниот понеделник. Единственото прашање е дали ќе бидат тримесечни или шестмесечни трезорски записи, изјави Бафет за CNBC.
Тој смета дека намалувањето на кредитниот рејтинг на САД не е причина за загриженост.
– Има некои работи за кои не треба да се грижите, а ова е една од нив, смета Бафет.
Фич Рејтинг во вторникот го намали кредитниот рејтинг на Соединетите држави, наведувајќи го зголемувањето на федералниот, државниот и локалниот долг и „континуираното влошување на критериумите за управување“ во последните две децении.
Рејтингот на САД беше намален од највисокиот рејтинг ААА за еден степен на АА+.
