Инаугурација на Македонската асоцијација за цврст отпад како национална членка на ISWA

25

novo jabolce

Индустријата на отпад зазема единствена позиција во националната стратегија за отпад, која предвидува комплекс од мерки со цел да се елиминираат или да се ублажат влијанијата врз животната средина и да се спроведе подготовката и реализацијата на интегриран и одржлив систем за управување со отпад, земајќи ги предвид клучните принципи на Европската Унија.

Следејќи ги европските трендови за промовирање на одржлив развој и реализација на одржливо управување со отпадот во Македонија, конзорциум од шест правни лица дојде на идеја за формирање на Македонската асоцијација за цврст отпад – МаSWA.

Идејата е реализирана во декември 2013 година со формирање на МаSWA како невладина и непрофитна организација, со цел за доминација на практични стручни знаења и професионално управување со отпад. Веќе следната година МаSWA аплицира за полноправно национално членство во Меѓународната организација за цврст отпад ISWA – International Solid Waste Association.

На Интернационалната годишна конференција на ISWA во Сао Паоло Бразил, септември 2014 година, МаSWA добива позитивна оценка за членство под уставното име со почеток од наредната година.

Во согласност со овој мандат, МаSWA е официјален национален претставник на ISWA за Македонија и членка на ISWA Regional Development Networks кој ја покрива југоисточна Европа, Блискиот исток и Медитеранот.

По тој повод, во периодот од 28 до 30 октомври 2014 година, МаSWA е домаќин на  Инаугуративна свеченост и Конференција на тема “Вмрежување на Македонија во светските текови за управување со отпад”.

Инаугуративната прослава е проектирана во тридневни организирани настани кои ќе ги вмрежат заедно ISWA претставниците, интернационалните експерти, претставниците на македонската централна и локална власт, компании и поединци, како и воспоставување на директна поврзаност со светските текови на цврст отпад.

Давајќи значење и вистинска вредност на настанот и идејата да го прошириме конзорциумот со нови членови, стручни лица, научници, професионалци од проектантски, урбанистички, консултантски компании, институти, менаџери на компании и јавни претпријатија, кои се занимаваат со различни аспекти со постапување со отпад, асоцијацијата е отворена за соработка со сите заинтересирани организации и поединци.