Инфлацијата е најголемиот проблем во Германија

11

Инфлацијата сега е најголемиот проблем во Германија, изјави во Бундестагот државниот секретар во Министерството за финансии Флоријан Тончар.

„Се бориме со вртоглаво покачување на цените на енергијата и инфлација од 7,9 отсто во август, додека економскиот раст нагло опаѓа“, рече Тончар во вторникот при претставувањето на предлог-буџетот.

Тој додаде дека мора да се почитува кочницата за задолжување предвидена со буџетот. Во Владата „постои фер консензус дека денес повеќе не ни треба експанзивна фискална политика, туку планирано враќање на помалите дефицити“, рече Тончар.

„Пандемијата не исцрпи физички, социјално и финансиски, а рускиот напад врз Украина не изложи на сосема нови предизвици“, рече Тончар.

Инфлацијата и нејзините последици оптоваруваат многу луѓе, одземајќи им ја безбедноста на планирањето и личната слобода.

„Инфлацијата го загрозува претприемачкиот успех на нашето општество во целина, затоа борбата против инфлацијата мора да биде врвен приоритет, особено во финансиската политика“, рече Тончар.