Американскиот производител на автомобили Ford најави дека поради инфлацијата во третиот квартал ќе има милијарда долари повисоки трошоци од планираното, а дополнителен проблем ќе биде недостигот на делови.
Поради недоволно снабдување со делови, повеќе возила ќе останат недовршени на крајот на третиот квартал од планираното, објави во понеделникот американскиот автомобилски гигант.
Во четвртиот квартал, компанијата ќе комплетира и продаде на дилерите меѓу 40.000 и 45.000 возила, главно камиони и теренци, проценуваат тие. И покрај проблемите со производството, компанијата ја потврди сегашната проценка на овогодинешната прилагодена добивка пред камати и даноци (EBIT) во износ од 12 милијарди плус/минус 500 милиони долари.
Прилагодениот EBIT за третиот квартал треба да биде во опсег од 1,4 до 1,7 милијарди долари, додаваат тие, истакнувајќи дека целосниот оперативен извештај за периодот јули-септември ќе биде објавен на 26 октомври.
Ford го затвори првиот квартал со нето загуба од 3,1 милијарди долари поради намалената вредност на инвестицијата во производителот на електрични автомобили Rivian.
