Инфо тура во Македонија за тур операторот Voyager Autrement

2

Агенцијата за промоција и поддршка на туризам на Република Македонија организираше тридневна инфо тура за тур операторот Voyager Autrement, којшто на годишно ниво испраќа над 15.000 туристи насекаде во светот, јавува Миа.

Македонија е вклучена во нивната програма за алтернативен туризам, како нова и неоткриена дестинација.

Со живописни села, регионот на вино, планини, прекрасни езерски одморалишта, убави пејзажи, богата култура, сончеви денови, љубезни луѓе и поволни цени за странските туристи, велат дека Македонија е идеална за одмор и релаксација.

Туристичката понуда на Скопје и Охрид и нивното историско и културно наследство беа највпечатливи, а посебно интересен беше манастирскиот туризам.