Во предлогот за буџетот, Италија планира да потврди валидни прогнози за економски раст за оваа и следната година. Растот не беше нарушен од неизвесностите предизвикани од американските царини, изјави во неделата министерот за економија Џанкарло Џорџети.
Според валидните прогнози од април, италијанската економија треба да порасне за 0,6 проценти оваа година и за 0,8 проценти следната година.
„Уверени сме дека ќе ги потврдиме проценките за раст на БДП за тие (две) години“, рече Џорџети на политички состанок во Рим. „Веќе го зедовме предвид влијанието на трговската војна и сè што донесе таа“, нагласи италијанскиот министер.
На крајот на јули, деловните здруженија предвидоа дека американските царини би можеле да го намалат БДП на Италија во 2027 година за 0,8 проценти.
На 28 јули, вицепремиерот и министер за надворешни работи, Антонио Тајани, најави помош за домашните компании со новите американски царински давачки, предупредувајќи дека зајакнувањето на еврото во однос на доларот создава проблеми и за италијанските извозници.
„Упорно барам од ЕЦБ (Европската централна банка) да интервенира и да ја намали цената на парите“, рече тогаш Тајани.
Владата ќе ги презентира ажурираните прогнози за БДП и повеќегодишните буџетски цели пред парламентот до 2 октомври.
Италијанската економија се намали во вториот квартал на 0,1 процент во споредба со претходните три месеци. Главно поради влошената состојба во надворешната трговија. Во јули, индустриското производство се зголеми за 0,4 проценти во споредба со претходниот месец, сигнализирајќи пожива активност по долг период на слабост.
Фото: Pixabay