Изградбата на ХЕЦ Бошков Мост ќе почне до крајот на годината

21

7D912BC4AEEBE9488286BCD0DD178803Кон крајот на годинава или на почетокот на наредната година треба да започне реализацијата на градежните активности за изградба на ХЕЦ Бошков Мост, најави генералниот директор на АД ЕЛЕМ Дејан Бошковски по посетата на хидроелектраните Равен и Вруток.

“Минатиот месец ги добивме финансиските понуди за главната електромашинска опрема. Во тек е прибирањето на финансиските понуди за двата лота за изведување на градежните работи, кои треба да стигнат до крајот на јули годинава. Очекуваме кон крајот на третиот квртал да ги потпишеме договорите  за изведување на работите и во зависност од теренските и подготвителните активности на компаниите кон крајот на годинава или на почетокот на наредната треба да почнат конретните градежни активности за изведба на проектот Бошков Мост“, истакна Бошковски во одговор на новинарско прашање.

Што се однесува до проектот Луково Поле, кој е многу значаен за зафатот и опфатот на водите и е поврзан со Мавровскиот регион, Бшковски рече дека во моментов е завршена физибилити студијата, во тек е изработката на еколошката студија, а кон крајот на месецов треба да дојдат и претставниците на Светска банка за да направат ревизија на студијата и да видат што е сработено со шпанскиот консултант Аксиона и воедно да го потврдат своето учество во проектот.

“Првичните податоци за еколошката студија укажуваат дека нема никакви проблеми… Водите кои ќе се зафатат со проектот Луково Поле ќе имаат годишно производство од 156 гигават часови електрична енергија што е еднакво на годишното производство на ХЕЦ Козјак“, рече Бошковски.