Johnson & Johnson ја прекинува продажбата на контроверзната пудра за бебиња ширум светот

85

Johnson & Johnson (J&J) ќе престане да го произведува и продава својот бебешки прав на база на талк ширум светот почнувајќи од следната година.

Најавата доаѓа повеќе од две години откако гигантот  престана да го продава производот во САД, пренесува Бизнис.рс.

J&J се соочува со десетици илјади тужби од жени кои тврдат дека талкот во прав содржел азбест и ги предизвикал да развијат рак на јајниците, јавува Би-Би-Си.

Но, компанијата го повтори својот став дека децениите независно истражување покажуваат дека производот е безбеден за употреба.

„Како дел од проценката на светското портфолио, донесовме комерцијална одлука да преминеме кон портфолио за бебешки прашок базиран на пченкарен скроб“, се вели во соопштението.

Компанијата додаде дека бебешката пудра на база на пченкарен скроб веќе се продава во земјите низ светот.
Во исто време J&J го повтори својот став дека нејзината пудра за бебиња е безбедна за употреба: „Нашиот став за безбедноста на нашата козметичка пудра останува непроменет“.

Во 2020 година, J&J соопшти дека ќе престане да ја продава пудрата за бебиња со талк во САД и Канада бидејќи побарувачката паднала поради, како што рече, „дезинформациите“ за безбедноста на производот во серија судски случаи.

Во тоа време, компанијата рече дека ќе продолжи да ја продава својата пудра за бебиња базирана на талк во Велика Британија и остатокот од светот.