Американската банка JPMorgan Chase планира да отвори повеќе од 160 нови филијали во повеќе од 30 американски држави во 2026 година, како дел од инвестиција од повеќе милијарди долари во својата мрежа на филијали. Станува збор за продолжување на зајакнувањето на физичкото присуство на банката низ САД.
Како што е наведено, планирано е значително проширување на бизнисот во држави како што се Северна и Јужна Каролина, Флорида, Пенсилванија, Канзас, Масачусетс и Тенеси.
Оваа иницијатива е дел од претходната обврска од 2024 година за отворање повеќе од 500 нови филијали во рок од три години, објавува Ројтерс.
Банката под брендот Chase, најголемата во Америка, веќе работи во речиси сите американски држави, освен на Хаваи и Алјаска.
Целта на JPMorgan е да достигне 15 проценти удел во вкупните малопродажни депозити во САД, а менаџментот вели дека отворањето нови филијали е клучно за зголемување на тој пазарен удел.
Според извршната директорка за потрошувачко банкарство Џенифер Робертс, присуството на терен и влезот на нови пазари се од клучно значење за растот на депозитите.
Минатиот месец, банката ги објави и резултатите за четвртиот квартал, кои ги надминаа очекувањата на аналитичарите, благодарение на силните приходи од тргување во услови на зголемена нестабилност на финансиските пазари.