Граѓаните да не ги фрлаат неперсонализираните картички, туку да ги надополнуваат, порача Игор Јанушев, директор на ЈСП Скопје.
Според него, има залиха на картички и секојдневно се дистрибуираат по неколку пати во денот до сите продажни места.
Во 2016 се продадоа нешто повеќе од 33.020 неперсонализирани картички. Врз основа на оваа продажба, се направија претпоставките и анализите колку картички треба да имаме подготвено за во 2017, каде ги вклучивме и приватните превозници. За таа цел беа подготвени повеќе од 150.000 картички. Од нив 30 илјади се продадоа само во првите три дена од јануари, а до крајот на првата недела од овој месец се продадоа 80.000 картички. Заклучно со вчерашниот ден, се продадени околу 140.000 картички, јавува Миа.