Просечната годишна приспособена плата за полно работно време за вработените во ЕУ минатата година изнесувала 33.500 евра, објави Евростат.
Меѓу членките на ЕУ, највисока просечна плата е забележана во Луксембург од 72.200 евра, потоа Данска со 63.300 евра и Ирска со 50.300 евра.
Најниски плати имаат Бугарија (10.300 евра), Унгарија (12.600 евра) и Романија (13.000 евра).
Од соседните земји највисоки просечни годишни плати има Словенија – 28.760 евра, додека во Хрватска просекот е 16.170 евра, пренесува Политика.