Кафуле старо 127 години ги затвора вратите

44

Пандемијата им нанесе голема штета на виенските ресторани. Сега им се заканува нова криза, особено поскапувањето, пред сè енергијата, поради што почнаа нови затворања.

Најавено е дека по 127 години работа, кафулето Вестенд ги затвора вратите.

Кафулето, отворено во 1896 година, се затвора поради неможноста да се надминат повисоките фиксни трошоци.

„Кризата со короната, високите цени на енергијата, како и високите фиксни трошоци ги принудија кафулињата да преземат радикален чекор за затворање“, напиша главниот уредник на магазинот Фалтер, Флоријан Кленк.

Тој апелираше до властите во Виена да не го дозволуваат тоа, бидејќи Вестенд е еден од знаменитостите на градот.

Засега сè уште не е соопштено кога ќе биде последниот ден од работа на кафулето „Вестенд“, кое е само еден од низата угостителски објекти кои повеќе не можат да опстанат во се потешки околности.

Фото: Facebook