Некои од најбогатите луѓе во светот успеаја да го зголемат своето богатство до неколку десетици пати во последните неколку години. Зад ваквиот деловен успех, несомнено стои напорна работа и низа добро привлечени деловни потези, но се чини дека многумина од нив забораваат дека со успешен бизнис следуваат и обврски. Оваа обврска во овој случај се нарекува данок.
Според истражувањето спроведено од ProPublica, најбогатиот човек на светот до неодамна, Џеф Безос, не плаќал данок најмалку две години помеѓу 2006 и 2018 година, иако неговото лично богатство се зголемило за неколку десетици пати во тој период. Ова истражување не го заобиколи неговиот “прв сосед“ и ривал од списокот на најбогатите, Илон Маск, кога се утврди дека тој не платил данок во 2018 година.
Според доверливиот извештај кој ProPublica го доби од IRS (Даночна управа на САД), утврдено е дека милијардерите се во можност да избегнат плаќање данок “законски заобиколувајќи го законот“ и дека решавањето на тој проблем е голем предизвик за новоизбраната американска администрација .
Постојат низа начини (финансиски манипулации)
Принципот според кој најбогатите не плаќаат данок е многу едноставен. Годишната заработка на овие луѓе претставува занемарлив дел од нивното богатство, додека најголемиот дел од нивното богатство се прикажува преку акциите што ги поседуваат.
На пример, Џеф Безос поседува 10,3 % од акциите на Аmazon, кои се проценуваат на околу 170 милијарди долари (вредноста на акциите на компанијата во последно време се менуваше многу). Поголемиот дел од неговото богатство е поврзано со деловниот успех на компанијата.
Безос и другите милијардери избегнуваат плаќање данок со чување на своето богатство во акции, кои не подлежат на оданочување до моментот на нивната продажба.
Последица на ова е што Безос, иако заработи неверојатни 127 милијарди долари во периодот од 2006 до 2018 година, пријави приход од само 6,5 милијарди за тие дванаесет години, на кои беше платен данок од околу 1,4 милијарди долари, наведува ProPublicа во извештајот.
Најважно е да се истакне дека постојат начини (финансиски манипулации) акционерите на огромни компании да ги претворат своите акции во достапни пари без потреба да ги продаваат своите акции.
Фото: Pixabay