Катапултиран токенот CRO – која е причината?

100

Токенот CRO, во сопственост на Crypto.com, порасна за повеќе од 24% за само 24 часа и се проби во топ 20 криптовалути по пазарна вредност.

CRO сега е на 18-то место според CoinGecko.

Crypto.com доживеа значителен раст за релативно краток временски период. Платформата беше лансирана во 2016 година и надмина еден милион корисници во 2019 година. Сега има повеќе од 10 милиони корисници.

CRO беше лансиран кон крајот на 2018 година, а приближниот поврат на инвестицијата ако се купи во моментот на лансирање е над 2500%, според CoinMarketCap.

Причината за овој пораст е јасна. Салата Стејплс Центар во Лос Анџелес ќе го смени своето име благодарение на богатиот договор што раководството на салата го склучи со Crypto.com, кој промовира поширока употреба на криптовалути.

Управата на салата каде што НБА тимовите Лос Анџелес Клиперс и Лос Анџелес Лејкерс, кошаркарите од WNBA Лос Анџелес Спаркс и хокеј тимовите Лос Анџелес Кингс ги играат своите натпревари, потпиша 20-годишен договор вреден 700 милиони долари со Crypto.com.

Новото име Crypto.com Arena ќе го носи од овој Божиќ, но натписот на салата ќе се смени дури во јуни следната година.