Американската компанија Boeing се согласи да плати 2,5 милијарди долари, со што ќе ги порамни казните за кривичните пријави во САД дека од службениците за безбедност криела информации за дизајнот на својот авион 737 Max.
Американското Министерство за правда соопшти дека авиокомпанијата избрала “профит наспроти искреност“, со што го спречила надзорот на авионите кои имаа две несреќи со човечки жртви, пишува BBC.
Околу 500 милиони долари ќе им бидат исплатени на семејствата на 346 загинати патници во авионските несреќи.
Boeing призна дека со ова порамнување компанијата е доведена до колапс.
Генералниот директор на Boeing, Дејвид Калхун изрази уверување дека прифаќањето на оваа одлука е реална состојба за компанијата и претставува соодветен начин за признавање неуспех во остварувањето на своите вредности и очекувања на вистински начин.
“Оваа пресуда сериозно не потсетува сите, колку е важна нашата обврска за транспарентност за регулаторните тела и последиците со кои може да се соочи компанијата доколку некој од нас не ги исполни тие очекувања“, истакна Калхун.
Од вкупната казна 1,77 милијарди долари треба да бидат наменети за оние компании кои ги купија авионите од Boeing а беа погодени од приземјувањето на леталата.
Фото: Facebook
