Комисијата за хартии од вредност (КХВ) на Република Македонија на 105-тата седница даде согласност Горан Марковски да биде именуван за Главен извршен член на Одборот на директори на Друштвото за управување со инвестициски фондови КБ Публикум Инвест АД Скопје, а Андреј Пулејков да биде извршен член на истото друштво.
Мандатот на двајцата директори е четири години и трае до 15 декември 2020 година.
Друштвото за управување со инвестициски фондови КБ Публикум Инвест АД Скопје управува со три отворени инвестициски фондови и тоа: КБ Публикум – Паричен, КБ Публикум – Балансиран и КБ Публикум – Обврзници.
Горан Марковски и Андреј Пулејков и досега ја извршуваа оваа функција.
