Кинеските инвестиции во Европа растат, инвестираат најмногу во фабрики за батерии и електрична мобилност

51

Кинеските инвестиции во Европа закрепнаа во 2021 година, втората година од пандемијата, но сега се фокусирани на нови проекти, особено во производството на батерии и електричната мобилност, покажа студијата објавена во средата.

Минатата година кинеските инвестиции во Европа се зголемија за една третина, на 10,6 милијарди евра, според американската истражувачка група Rhodium и германскиот институт Mercis.

Во 2020 година, првата година од пандемијата, тие паднаа на најниско ниво од 2013 година.

Во 2021 година Кинезите најмногу инвестирале во Германија, Велика Британија, Холандија и Франција.

Минатогодишниот скок Rhodium и Mercis го припишуваат на рекордните инвестиции од 3,3 во нови проекти и купувањето на Hillhouse Capital на бизнисот со апарати за домаќинство на Philips, „тежок“ 3,7 милијарди евра.

Се чини дека времето на преземања во вредност од милијарди долари во клучните стратешки сектори заврши, се заклучува во студијата.

Наместо тоа, кинеските компании сега сакаат да градат свои фабрики во Европа, особено во секторите за кои сметаат дека имаат конкурентна предност, како што се производството на батерии и развојот на електричната мобилност.

„Во споредба со врвот постигнат околу 2016 година, кинеските инвестиции се стабилизираа на пониско ниво“, рече главниот економист на Merics, Макс Зенглин.

Иако Европа и понатаму е од интерес за кинеските компании, Зенглин не очекува нивен значаен раст во наредниот период, со оглед на сегашните економски и регулаторни тешкотии.