Извозот на млеко во светот во 2018 година достигна вредност од 28,6 милијарди долари, покажуваат податоците на World’s top exports.
Како најголем извозник на млеко во светот е Нов Зеланд со 5,5 милијарди долари. Меѓу петте најголеми извозници на млеко се: Германија (2,8 милијарди долари), Холандија (2,5 милијарди долари), Белгија (1,7 милијарди долари) и САД (1,6 милијарди долари).
Од земјите во регионот, најдобро е позиционирана Словенија (29-та) со извоз од 142 милиони долари. Потоа следуваат: Босна и Херцеговина (35,3 милиони долари), Грција (23,7 милиони долари), Хрватска (16,7 милиони долари), Србија (15,5 милиони долари) и Бугарија (11,9 милиони долари). Македонија се најде на 80-то место во светот со извезено млеко во висина од 4,2 милиони долари.
Фото: Pixabay
