Компании со највисоки приходи оваа година

61

Американскиот синџир на супермаркети, Walmart го има приматот на компанија со највисоки приходи. Според Fortune Global 500, оваа компанија евидентира приходи од 514.405.000.000 долари, а профитот го позиционира на 6.670.000.000 долари. Во оваа компанија се вработени 2,2 милиони лица.

Втора компанија што оваа година прокнижува највисоки приходи е кинеската државна нафтена компанија Sinopec Group. Приходите се на ниво од 414.649.900.000 долари, а профитот околу 5,8 милијарди долари. Во оваа нафтена компанија работат 619.151 вработен.

На трето место се најде уште една компанија од областа на енергетиката, овој пат од Холандија – Royal Dutch Shell. Приходите се на ниво од 396.556.000.000 долари, а профитот се позиционираше на 23,3 милијарди долари. Холандската нафтена компанија е работно место за 81.000 работници.

Во топ 10 компании со највисоки приходи се и: China National Petroleum (392,9 милијарди долари), State Grid (387 милијарди долари), Saudi Aramco (355,9 милијарди долари), BP (303 милијарди долари), Exxon Mobil (290 милијарди долари), Volkswagen (278 милијарди долари) и Toyota Motor (272 милијарди долари).

Фото: Pixabay