Кинеската Trip.com, една од најголемите онлајн туристички агенции во светот, воведува нови субвенции за детска грижа во вредност од 1 милијарда јуани или околу 138 милиони долари, за да ги поттикне своите 32.000 вработени да имаат деца.
Работниците кои биле во компанијата најмалку три години ќе добиваат годишен бонус од 1.376 долари за секое новородено дете секоја година од првиот роденден на детето додека детето не наполни пет години.
„Преку воведувањето на оваа нова придобивка за згрижување деца, имаме за цел да обезбедиме финансиска поддршка што ќе ги охрабри нашите вработени да ги основаат или растат своите семејства без да ги загрозат нивните професионални цели и достигнувања“, рече извршниот директор на Trip.com, Џејмс Лианг пренесе CNN.
Најавата на Trip.com следи по слични иницијативи на помалите кинески компании и доаѓа во време кога земјата се соочува со демографска криза.
Населението на Кина се намали во 2022 година за прв пат во повеќе од 60 години, со само 6,77 новородени на 1.000 луѓе, што е најниска стапка на наталитет од основањето на комунистичка Кина во 1949 година. Земјата сега е втора најнаселена нација во светот, зад Индија.
Пекинг ја укина својата децениска политика „едно дете“ во 2015 година, првично дозволувајќи им на брачните парови да имаат две деца. Но, по краткиот скок во 2016 година, националната стапка на наталитет продолжи да паѓа.
Ова прашање е клучна грижа за креаторите на политиките, бидејќи може да има длабоки импликации за земјата. Ова придонесува за проблемот со стареењето на населението, па може да влијае на економскиот раст и да ги намали даночните приходи и придонесите во веќе преоптоварениот пензиски систем.
На Trip.com, сите вработени со полно работно време кои работеле за компанијата три години ќе се квалификуваат за бонусот, без разлика на нивниот пол, позиција или локација на работа.
Падот на наталитетот не е единствената грижа на Пекинг. Сè помалку луѓе во Кина исто така стапуваат во брак, што може да го влоши проблемот.
Околу 6,83 милиони парови се венчале во 2022 година, според податоците објавени претходно овој месец од страна на кинеското Министерство за цивилни работи. Ова е за околу 10,5 отсто помалку од 7,63 милиони бракови регистрирани во 2021 година и е најниската регистрирана бројка откако Министерството почна да објавува податоци во 1986 година.
Креаторите на политики дополнително ги олеснија ограничувањата за раѓање во 2021 година, дозволувајќи им на три деца и ги засилија напорите за поттикнување на поголеми семејства, вклучително и планот објавен минатата година за зајакнување на породилното отсуство и обезбедување даночни кредити и други бенефиции за семејствата.