Една од најпознатите компании во светот практично престана да постои
Индустрискиот конгломерат General Electric (GE) ја заврши својата поделба на три одделни компании, означувајќи го крајот на една ера за американскиот гигант.
Минатата година GE HealthCare беше првата што се одвојуваше, а сега воздухопловните и енергетските компании GE Aerospace и GE Vernova ќе започнат самостојно да котираат на берзата.
Џенерал електрик компанијата ја објави својата намера да се раздели во 2021 година, а сега е завршен процесот на создавање три нови компании кои ќе котираат на берзата, објави Ројтерс.
Извршниот директор Лоренс Кулп, сега извршен директор на GE Aerospace, особено се залагаше за разделбата бидејќи сакаше да ја спаси фирмата која се бори.
За тоа придонесе финансиската криза од 2008 година, која најпрофитабилната компанија ГЕ Капитал ја доведе на работ на банкрот, пренесува Блиц.
– Заврши успешното отворање на три независни јавни претпријатија. Овој ден го означува историскиот последен чекор во повеќегодишната трансформација на ГЕ – рече Кулп.
Минатиот месец GE Aerospace, која произведува мотори за Боинг и Ербас, прогнозираше дека оперативниот профит ќе порасне на околу 10 милијарди долари до 2028 година поради големата побарувачка за неговите производи и услуги.
Фото: Facebook
