Како одговор на властите во Велика Британија, Детлер Трефгер, извршен директор на Kuehne + Nagel International AG, ја нагласува важноста за отворени пазари, стои во соопштението.
“Владата донесе историска одлука што треба да ја почитуваме. Kuehne + Nagel е посветена на принципот на глобална слободна трговија што обезбедува просперитет за сите. Значи, од наша перспектива No Brexit би бил најдоброто решение, бидејќи секоја форма на Брегзит ќе донесе зголемување на трговските бариери. Брегзит е најлошото решение. Ќе наметне големо ограничување на трговијата на стоки помеѓу Европската унија и Обединетото Кралство. Апелираме до одговорните тела во Лондон и Брисел да сторат сè за да го спречат ова сценарио. Што се однесува до нас, ние сме фокусирани да обезбедиме континуиран проток на стоки за нашите клиенти“, вели тој.
Kuehne + Nagel во изминатите години ангажираше клиенти и експерти за да ги проценат сите можни влијанија. За да се справат со можните последици од Брегзит, Kuehne + Nagel презеде чекори за да ги разгледа сите опции и да обезбеди соодветни капацитети. Покрај тоа, компанијата регрутираше дополнителен број на царински службеници.
Од Kuehne + Nagel беше побарано да учествува во Прекуграничната управна група на Владата на Велика Британија и ќе ја искористи оваа можност за дефинирање одржливи решенија.
