Францускиот министер за финансии Бруно Ле Мер изјави дека на денешниот состанок во Луксембург ќе се обиде да ги убеди скептичните земји во Европската унија да се согласат на договор за данок на добивка, но призна дека постигнувањето договор е „многу тешко“.
Европските власти велат дека се очекуваше денеска да биде постигнат договор со ЕУ, откако Полска го повлече своето противење за минималниот корпоративен данок од 15 отсто за големите мултинационални компании, но Унгарија се појави како пречка во последен момент.
Преговорите со ЕУ имаат за цел да ја преточат во закон глобалната реформа на корпоративното оданочување, која беше договорена од речиси 140 земји минатиот октомври.
