Британски Economist објави инфографика на “одлив на мозоци“, метафора за масовно иселување на високо-образовани и талентирани луѓе во светот.
Табелата покажува дека Босна и Херцеговина се наоѓа на врвот од земјите во регионот, меѓу земјите со најголем “одлив на мозоци“, следува Хрватска, којашто е на четврто место, а Македонија се најде на осмо место, зад нас е Србија рангирана на 10-то место.
“Одливот на мозоци“ е честа тема на земјите во развој, каде постои страв дека земјата ќе остане без висококвалификуван човечки капитал.
“Одливот на мозоци“ ги загрижува политичарите, а некои економисти велат дека овој тренд ги остава земјите во развој без луѓето што им се потребни за да излезат од сиромаштија.
Другата “струја“ верува дека стравот е неоправдан, бидејќи парите што иселениците ги испраќаат дома и новите вештини кои ги стекнуваат оние кои се враќаат ја надминуваат штетата на нивната земја.
Фото: Instagram
