Маск ги обвини руските хакери за напад на Starlink

53

Американскиот милијардер Илон Маск денеска обвини хакери од Русија дека извршиле сајбер напади врз опремата на сателитската мрежа Starlink.

„Starlink досега се спротивставуваше на руските обиди за сајбер напади и попречување на сајбер војната, но тие ги засилуваат своите напори“, напиша Маск на Твитер, пренесе РИА Новости.

Starlink е сателитска мрежа дизајнирана да обезбеди поширок пристап до Интернет насекаде во светот, а проектот беше лансиран од SpaceX во февруари 2018 година.