Мексико на чекор од национализација на резервите на литиум

23

Долниот дом на мексиканскиот конгрес усвои амандман на законот за рударство со цел да се национализираат резервите на литиум во земјата.
Амандманот, кој беше усвоен во понеделникот со 298 гласа „за“, еден ден претходно до Конгресот го поднесе претседателот Андрес Мануел Лопез Обрадор, пренесува Ројтерс.

Амандманот на претседателот предвидува измена на делови од законот од 1992 година, според кој правото на истражување, експлоатација и употреба на литиум ќе биде исклучиво резервирано за мексиканската држава и под јурисдикција на федералната влада.

Сега Сенатот треба да гласа за предложените измени на законот.