Владата на Нов Зеланд размислува да воведе дополнителен одмор за да го зајакне домашниот туризам. Премиерката Џасинда Ардерн изјави дека тоа е една од идеите која потенцијално би можела да ѝ помогне на економијата на земјата.
Туризмот е главниот сектор на Нов Зеланд, а во земјата странските туристи заради пандемијата со коронавирусот моментно не доаѓаат, па целата индустрија е во тешка состојба.
“Мојата порака до граѓаните е да дојдат и да го истражат сопствениот двор, да се запознаат со културата и гостопримството на староседелците“, рече Ардерн.
Нов Зеланд во последните неколку седмици ги ублажи рестриктивните мерки.
Владата која воведе еден од најсилните карантини на светот, соопшти дека вирусот е елиминиран во земјата.
Фото: Pixabay
