Светската економија оваа година ќе забележи раст со најслабо темпо од почетокот на глобалната финансиска криза, оценува Меѓународниот монетарен фонд (ММФ). Причина за тоа се трговските пречки и геополитичката нестабилност, поради што ММФ ги намалува проценките за раст за оваа и за следната година. Се очекува светската економија оваа година да забележи раст од 3%, а за следната година за 3,4%. Во текот на минатата година, светската економија имаше пораст од 3,6%.
Во САД растот би требало да забави на 2,4% од 2,9% во 2018 година. Според ММФ, економскиот раст на САД следната година се очекува да биде на ниво од 2,1%.
Во еврозоната, растот оваа година ќе се позиционира на 1,2%, а следната година 1,4%. Меѓу четирите најголеми економии во евро зоната, најголемо забавување ќе забележи Германија, со раст од 0,5%, а за следната година се очекува да биде 1,2%.
Фото: Pixabay
