На европските берзи утринава цените на акциите силно пораснаа, како и вчера на Волстрит, бидејќи инвеститорите се надеваат на смирување на трговските тензии меѓу САД и Кина.
Индексот STOXX 600 на водечките европски акции во 9 часот и 30 минути порасна за 1,8 отсто, добивајќи сила втор ден по ред.
Истовремено, лондонскиот FTSE индекс се зголеми за 1,02 отсто, на 8.415 поени, додека франкфуртски DAX скокна за 2,15 отсто, на 21.750 поени, а париски CAC за 1,43 отсто, на 7.430 поени.
Раст и на азиските пазари
Цените на акциите пораснаа и на азиските берзи. Индексот MSCI на азиско-пацифичките акции порасна за 0,7 отсто во 9:30 часот.
Истовремено, јапонскиот индекс Никеи зајакна за 1,9 отсто, додека цените на акциите во Шангај, Австралија, Јужна Кореја и Хонг Конг пораснаа меѓу 0,1 и 2,4 отсто.