Фризерските салони во Австрија се отворени од почетокот на оваа недела откако владата ги ублажи рестриктивните мерки, но предуслов за нова фризура е негативен тест на коронавирусот.
“Од една страна ми е полесно што можам повторно да работа, но во исто време пречка се задолжителните тестови, што некои клиенти не ги прифаќаат“, вели Сузан Шребер, фризерка од Виена.
По месец и половина отворени се продавниците, музеите и училиштата. Учениците мора да се тестираат двапати неделно доколку сакаат да посетуваат настава во училиште.
Зголемената побарувачка за тестирање била видлива на повеќе пунктови во Виена. Дури и неодамна отворениот центар за тестирање во познатиот замок Шенбрун воведе нови боксови за тестирање.
Фото: Freepik