Цените на нафтата паднаа откако Белата куќа соопшти дека поради прекини во снабдувањето од Блискиот Исток, може привремено да ги укине санкциите за иранската нафта во танкери.
На лондонскиот пазар, цената на барелот се лизна утрово за 1,1 процент, на 107,45 долари, додека на американскиот пазар, барелот падна за 2,1 процент, на 94,15 долари.
Доларот на пат кон неделна загуба
Hа валутните пазари, вредноста на доларот во однос на кошничката валути значително падна, па затоа е на пат кон неделна загуба од околу 1,1 процент.
Индексот на доларот, кој ја покажува вредноста на американскиот долар во однос на другите шест најважни светски валути, утрово се движи околу 99,35 поени, додека вчера во ова време беше 100,05 поени.
Во исто време, курсот на доларот во однос на јапонската валута се лизна од вчерашните 159,70 на 158,40 јени.
Американската валута исто така ослабе во споредба со европската, па цената на еврото достигна 1,1555 долари, додека вчера во ова време беше 1,1465 долари.