Најбогатите 10% од Американците поседуваат 89% од сите американски акции

15

Најбогатите 10% од американското население во моментов поседува рекордни 89% од сите американски акции, што продолжува да ја зголемува нееднаквоста меѓу луѓето во најголемата светска економија, пишува CNBC.

Покрај тоа, најбогатиот 1% од населението во САД додаде вкупно 6,5 трилиони долари на своето портфолио од акции и заеднички фондови за време на пандемијата КОВИД-19.

Од друга страна, најсиромашните 90% од населението заработиле 1,2 трилиони долари, покажуваат најновите податоци на Федералните резерви. Денес, тие 90 проценти поседуваат 11 проценти од сите американски акции, наспроти 12 проценти пред пандемијата.

Американскиот пазар на капитал, чии главни индекси скоро двојно се зголемија од распродажбата во март 2020 година, е еден од главните извори на создавање богатство во Соединетите држави за време на пандемијата, како и главна причина за нееднаквост во населението.

Индексите во земјата, исто така, пораснаа за 40% од почетокот на 2020 година.

Според последните податоци на ФЕД, вкупното богатство на најбогатите 1% од населението во САД изнесува рекордни 32%.

Речиси 70% од зголемувањето на нивната состојба во последните 18 месеци, што се покажа како најбрзо во историска смисла, доаѓа од поскапувањето на нивните акции.

Концентрацијата на богатството доаѓа во позадина на влегувањето на многу нови инвеститори на берзата. Само преку платформата Robinhood, во последните две години се отворени 10 милиони нови сметки, или вкупно 22 милиони од нејзиното создавање, а повеќето од нив се за млади инвеститори кои ги вложуваат своите пари за прв пат.

Новите сметки се многу на број, но просечниот износ на средства што ги поседуваат е низок – само 4.500 американски долари.

Покрај тоа, повеќето од новите инвеститори ги купија своите хартии од вредност по доста високи цени, додека најбогатите луѓе во светот се на пазарот со години и затоа нивниот профит е поголем.

ФЕД, исто така, покажува дека најбогатите 10% од општеството во САД додале 43% помеѓу јануари 2020 и јуни 2021 година, додека останатите 90% заработиле 33 проценти.