Нè очекуваат ли државни крипто валути?

45

Водечките централни банки започнуваат соработка за да утврдат дали би можеле да издадат крипто валути поради падот на готовинските трансакции и сè почестото користење на електронски облик на плаќање.

Според Associated Press, соработката е меѓу Европската централна банка, шведската Riskbank, како и централните банки на: Јапонија, Канада, Велика Британија и Швајцарија.

Во нивното заедничко соопштение се наведува дека ќе се проценуваат потенцијалните можности за издавање на крипто валута во нивните матични земји. Тоа значи дека ќе се анализираат технички прашања и ќе се разменуваат искуства за новите технологии.

Инаку, шведската централна банка на тоа прашање работи веќе неколку години и започна пилот проект со оглед на тоа што во нејзината земја постојано се намалува користењето на готовина.

Постоечките крипто валути, како што е bitcoin, не се соодветно средство за плаќање на производи и услуги поради силните промени во вредноста.

Централната банка на Јапонија започна заеднички истражувачки проект со Европската централна банка, но објави дека во блиска иднина не планира да издаде крипто валута.

Фото: Pexels