На 31 август оваа година, Австралиската комисија за конкуренција и потрошувачи поднесе тужба против Qantas Airways, бидејќи авиокомпанијата продавала билети за илјадници претходно откажани летови.
Приказната во меѓувреме дополнително се разви и Би-Би-Си објави дека шефот на Qantas, Алан Џојс, ја напушта компанијата два месеци порано од планираното.
Причината за овој потег не е само оваа неодамнешна контроверзна ситуација, туку „поради растечките контроверзи“.
Џојс требаше да се повлече од функцијата извршен директор во ноември по 15 години, но сега е објавено дека тој веднаш ја напушта функцијата.
Џојс рече дека неодамнешното внимание – посветено на „настаните од минатото“ – јасно ставило до знаење дека одлуката е „најдоброто нешто“ што можел да го направи.
Фактот што Qantas предизвика дополнителен гнев во јавноста е што оствари рекорден профит, и покрај серијата скандали.
Главниот финансиски директор Ванеса Хадсон ја презема функцијата од Џојс во среда на 6 септември, станувајќи првата жена во историјата на Qantas што го води.
Во изминатите две години, потсетува Би-Би-Си, Qantas се соочи со низа критики за скапите авионски билети, масовните доцнења и откажувања, како и за односот кон работниците.
