Шпедитеската компанија Макошпед донесе одлука за утврдување на начинот на распределба на добивката по завршна сметка за 2015 година.
“Нето добивката на компанијата од финансиската 2015 година, којашто изнесува 4.750.148 денари се распоредува: за резерви 5% или 237.507 денари, а останатиот дел од добивката во висина од 4.512.641 денари останува нераспределен“, стои во одлуката објавена на Македонска берза.
Макошпед е компанија којашто се занимава со царинско застапување, секаков вид на транспорт, осигурување на стока при транспорт, увоз и извоз, маркетинг и складирање.
