Продолженото ниско ниво на водата на Рајна, еден од клучните водни патишта за транспорт во Германија, би можело да предизвика огромна штета на германската економија оваа година, предупреди Трговската и индустриска комора (IHK) на регионот Рајнска област-Пфалц.
„Ситуацијата е навистина критична“, изјави портпаролката на IHK, Никол Раболд, додавајќи дека се очекува економската штета да биде „огромна“, пренесува Дојче Веле.
Таа изјави дека сè уште не е можно да се процени дали штетата ќе ја надмине онаа од 2018 година, кога беше забележано рекордно ниско ниво на водата.