Фото: Nissan
Компанијата Nissan претстави прототип на седиште коешто може да детектира пот, предупреди на дехидратација и ќе може да помогне во спречување на сообраќајни несреќи.
Технологијата наречена Soak ја менува бојата на седиштата ако потта содржи многу сол што укажува на дехидратација. Претходни истражувања на Европскиот институт за хидратација и Универзитетот Лафборо покажале дека дехидрираните возачи биле подложени на грешки како и оние кои пиеле алкохол.
Материјалот осетлив на пот го разви и произведе холандската компанија Droog, а со него го обложиле и воланот којшто заедно со седиштата во случај на дехидратација ја менува бојата од сина во жолта, пишува BBC.
Засега нема планови за производство на Soak седишта.
